Најмалку десет загинати во земјотрес со интензитет од 5,7 степени во Танзанија

Најмалку десет лица загинаа во земјотрес со интензитет од 5,7 степени по Рихтер што денеска ја потресе Танзанија и соседните земји, соопшти полицијата, пренесува ДПА.

Во потресот се повредени над 100 лица во областа Кагера на западниот брег на езерото Викторија.

Епицентарот на потресот, регистриран во 12:27 по Гринич, се наоѓал на 23 километри источно од градот Нсунга, во северозападниот дел на Танзанија, во близина на езерото Викторија, соопшти американскиот геолошки институт.

Потресот е почувствуван и во Руанда, Бурунди, Уганда и Кенија.