Измените на законите за СЈО и заштита на сведоци на собраниска седница

Собранието на Република Македонија на денешната 123-та седница ќе го разгледува Предлог-законот за изменување и дополнување на Законот за данокот на додадена вредност, по скратена постапка.

На дневниот ред се и предлог-законите за изменување и дополнување на Законот за енергетика и на Законот за минерални суровини, по скратена постапка. 

Пратениците, како што е најавено, ќе расправаат и по Предлог законот за дополнување на Законот за административни службеници и Предлог законот за изменување на Законот за Јавно обвинителство за гонење на кривични дела поврзани и кои произлегуваат од содржината на незаконското следење на комуникациите, по скратена постапка, поднесени од пратениците од опозицијата

Се очекува на оваа собраниска седница, пратениците да дискутираат и за Предлог-законот за изменување и дополнување на Законот за заштита на сведоци, по скратена постапка. 

На агендата на денешната седница е и Предлог-законот за изменување и дополнување на Законот за Народниот правобранител, по скратена постапка.