Драма на Сузука, пол позиција за Розберг

Со само 13 илјадинки од секундата водечкиот во генералниот пласман Нико Розберг успеа дури во последните секунди од квалификацискиот тренинг да ја освои пол позицијата за утрешната трка за ГН на Јапонија од шампионатот во Формула 1.

Германецот беше втор зад Хамилтон пред последното излегување на патеката но успеа да ја обезбеди 8-та пол позиција во оваа сезона. За Розберг, кој има 23 поени предност пред Хамилтон во генерален пласман на пет трки пред крајот, ова исто така е и трета пол-позиција во низа во Сузука.