Проширен патот до Љубанци и Побожје

Општина Бутел го заврши проектот за проширување и рехабилитација на патот од Радишани до Љубанци и Побожје во вредност од 3.735.000 денари.

Како што информираат од општината, проширувањето е направено од двете страни на коловозот во вкупна должина од 4 километри.

- На овој начин се создадени услови за асфалтирање на патот што ќе се реализира во зависност од временските услови. Со ова проширување и рехабилитација на патот се зголемува безбедноста во сообраќајот на оваа делница. Исто така, се олеснува и движењето на автобусите, велат од општина Гази Баба.

Проширувањето на патот го направи фирмата „Енергомонт“ од Скопје.