Нуркачите први ја честитаа Новата година: Подводна елка атракција на дното на Охридското езеро
Охридските нуркачи и годинава кај Заливот на коските во ледената вода на Охридското езеро, ја продолжија 15 години долгата традиција и накитија новогодишна елка и први си честитаа Нова година.
Новогодишната елка која се гледа и од површината на водата, е поставена на длабочина од околу 4 метри. Во нејзиното китење учествуваа членовите на нуркачкиот клуб „Амфора“ и клубот за подводни активности „Охрид“ во соработка со Сојузот за подводни активности на Македонија.
Китењето на подводната елка охридските нуркачи и оваа година им го посветија на децата со ретки болести.
Ним им помагаа и најмладите членови на овие нуркачки клубови, а за награда од Дедо Мраз добија подароци и пакетчиња.
-Упативме апел за помош и под вода извадивме знаме со поддршка за децата со ретки болести. Ние од клубот за подводни активности „Охрид“ и нуркачкиот клуб „Анфора“ први под вода со шампањско во рака си ја честитавме Новата 2017 година. На сите граѓани им посакуваме многу здраве, успех и подобар живот, рече д-р Горан Балески од клубот за подводни активности „Охрид“.
Новогодишната елка во Охридското езеро стана своевидна туристичка атракција, така што речиси да нема жители и посетители кои престојуваат во древниот град, а не го виделе ова чудо под вода.
Популарно од Македонија
Ново на Сител
-
Шефот на бразилската полиција: Нападот бил насочен кон судијата Алехандре Де Мораес
-
Македонија до 21 загуби од Косово на првата контролна средба
-
42 годишна мајка ја подведувала малолетната ќерка на проституција во Свети Николе
-
МВР набави нова машина за печатење лични документи која тројно ќе го зголеми капацитетот
-
Мицкоски: Очекувам добар резултат од преговорите со банките за унгарскиот кредит наменет за компаниите
-
Мицкоски: Потенцијална инвестиција од една милијарда евра во когенеративна гасна постројка
-
Продолжување на судењето на Урош Блажиќ за масовното убиство во Дубона и Малo Орашје
-
Кривична за помошник министер во Центарот за обука - Оштетен буџетот на МВР за 189.777 денари
