Главната сириска опозициска група тврди дека не добила покана за учество во преговорите во Казахстан
Главната сириска опозициска група ги повика синоќа бунтовничките групи да соработуваат во сите „искрени регионални напори“ за постигнување прекин на огнот, но напомена дека таа не била поканета на никаква конференција, алудирајќи на средбата во Казахстан.
Главниот координарот на Високиот преговарачки комитет Ријад Хиџаб ја посочи неопходноста од мерки за создавање доверба и на соодветна атмосфера на преговорите за политичка транзиција, кои треба да се одржат во Женева под покровителство на Обединетите нации.
- Ги поддржуваме промените во ставовите на некои меѓународни сили и позитивните, искрени напори, кои можат да бидат отскочна даска за реализирање на очекувањата на сирискиот народ преку постигнување спогодба, со која ќе се обезбеди безбедност и стабилност, истакна Хиџаб во писмена изјава.
Според Хиџаб Комитетот не е информиран за подготовките на преговорите во Казахстан, предложени од Русија, но додаде дека „изнесувањето на јасен дневен ред ќе помогне да се одредат позициите на активните страни“, ангажирани за решавање на конфликтот.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка