Машко првото бебе во Гевгелија во 2017

Првороденото бебе во општина Гевгелија е машко. Го донесе на свет синоќа мајката Драгица Камчева од гевгелиското село Моин. Детето е тешко 3 килограми и 750 грама, долго 54 сантиметри и е прво дете на сопружниците Камчеви.

Утрово во Општата болница во Гевгелија се роди и женско бебе, тешко 3 килограми и 150 грама, а долго 51 сантиметар. Мајка на девојчето е Марија Додевска од Гевгелија. 

По традиција гевгелискиот градоначалник Иван Франгов денеска ги посети мајките и новороденчињата во Општата болница, им изрази честитки и им посака многу здравје во Новата година. На првороденото бебе, Франгов му подари 10.000 денари, а на двете новороденчиња им даруваше и бебешки колекции.