Руски археолози пронајдоа англиски средновековен артефакт во Москва
Руски археолози при раскопувањата во паркот „Зарјадје“ во Москва пронајдоа англиски средновековен медалјон од 16 век, со розата на Тудорската династија на него, јави ТАСС.
Медалјонот е четириаголен и е изработен од олово и калај, а неговата ширина е околу пет сантиметри.
- Можно е овој интересен археолошки пронајдок да води трага до старо-англискиот Дворец, здание кое се наоѓа на улицата „Варварка". Тој е во Паркот од 16 век. Во 1556 година кнезот Иван Василевич им дал на Англичаните право на бесцаринска трговија и царински привилегии, раскажува главниот архитект на Москва, Леонид Кондрашев.
За артефактот се претпоставува дека е од периодот меѓу 1509 и 1603 година, а тоа е времето на кралот Хенри Осми и неговата ќерка наследничка, кралицата Елизабета Прва. Се верува дека тој орнамент пред четири столетија се користел како украсно копче.
Медалјонот го содржи натписот „Dieu et mon droit", што во превод од француски значи - „Бог и моето право", а до него стои датумот 1590 година. Таа фраза веќе 700 години е официјалната парола на Англиското Кралство и на Круната. Напишана е на француски, зашто тоа долго време бил јазикот на англиската аристократија.
Розата е хералдички симбол на англиско-велшката кралска династија Тудори, која со Англија владеела од 1485 до 1603. Toj мотив, во вид на црвени и бели рози се наоѓа на монети, накит, медалјони, па дури и на реквизити за игра.
Ново на Сител
-
Почна со работа Работната група за воспоставување на Регистар за недвижниот имот на државата
-
Кривична за автомеханичар од Охрид: Вадел исправни делови од автомобили и ги продавал
-
Австрискиот европратеник Томас Вајц нов известувач на ЕП за Северна Македонија
-
Главниот државен обвинител на Украина поднесе оставка по голем скандал во армијата
-
Најмалку 31 загинат при напад на суданската армија врз џамија
-
По апсењето на Мета, средба на Ненси Ван Хорн и министерот Хоџа
-
Претседателката на ЕК Урсула фон дер Лајен в четврток во Скопје
-
Битолчанец пронашол 10 рачни бомби при чистење на стан