Невремето во Авганистан однесе речиси 50 жртви

Најмалку 47 лица починаа во текот на последните три недели како последица од студови и обилен снег во авганистанската провинција Џузџан, јави ДПА. 

- Врнежите доведоа до ограничување на пристапот до здравствените установи и затворање на патишта, изјави Рахматула Хашир гувернерот на округот Дарзаб.

- Десет жени родиле мртви бебиња, бидејќи немале пристап до здравствените установи во текот на последните неколку недели, истакна Хашир. 

Тој наведе дека две деца загинале, откако биле затрупани од лавина. 

Портпаролот на покраинскиот гувернер изјави дека властите се обидуваат да ја укажат потребната помош на настраданите од студеното време.