-->
-->
Заигра „метлата“ во Хрватска, сменети Бабиќ и Балиќ
-->
Управниот одбор на Хрватскиот ракометен сојуз, на вонредната седница, им врачи откази на селекторот Жељко Бабиќ, неговиот помошник Петар Метличиќ и координаторот Ивано Балиќ.
По шокот кој го доживеаја на Светското првенство Хрватите на седницата на Управниот одбор, на која имаше само една точка, решија да ги сменат Бабиќ, Метличиќ и Балиќ.
„Состанокот траеше речиси два часа. Не погрешивме што на Бабиќ му пруживме втора шанса. Но она што се случуваше не ги задоволи нашите амбиции. Причината за смените не лежи во тоа што не победивме во полуфиналето, туку затоа што не сме задоволни како беше водена репрезентацијата“, рекол првиот човек на Хрватскиот ракометен сојуз.
Бабиќ по ОИ во Рио де Жанеиро, на кои Хрватска испадна во четвртфиналето, поднесе оставка на функцијата, која Управниот одбор не ја прифати.
Хрватска на СП кое заврши во неделата, во петокот и саботата, доживеа два тешки и шокантни порази. Најпрвин во полуфиналето, загуби од Норвешка, иако во 60 минута имаше седмерец за победа, а потоа во борбата за третото место во последните 20 минути испушти предност од осум голови против Словенија.
На состанокот била оформена комисија која во наредните 30 дена треба да реши кој ќе биде новиот селектор.
Околу новиот селектор хрватските медиуми шпекулираат со имињата на Лино Червар, Веселин Вујовиќ и Славко Голужа.
-->
-->
-->
Ново на Сител
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа