Герџиков: Следниве денови можен е прилив на мигранти од Турција

Бугарија презема дополнителни мерки за контрола на границата кон Турција, бидејќи „во следниве денови се очекува дека може да има извесен прилив на мигранти“, изјави денеска бугарскиот технички премиер Огњан Герџиков. 

Како што јави БТА, Герџиков соопшти дека претпладнево имал средба со претставници на Министерството за внатрешни работи, на Државната агенција за национална безбедност (ДАНС) и на специјалните служби, на која била разгледувана состојбата на бугарско-турската граница и мерките кои се преземаат доколку се појави потреба до засилена гранична контрола.