Хуманитарна велигденска акција во Карпош

Викендов пред поголемите супермаркети на територија на општина Карпош, ќе се спроведе хуманитарната тадиционална акција „Да бидеме хумани за нашите соседи“, наменета за собирање помош во храна за семејствата во потешка материјална состојба.

Од општина Карпош апелираат до граѓаните кои се во можност, овој викенд при нивното пазарење, да донираат за своите сограѓани трајни производи со цел да им се разубави претстојниот празник со богата трпеза.

Оваа акција се организира три пати во годината и тоа за Денови на општина Карпош, новогодишните и божиќните празници и за велигденските празници.