Илир Мета кандидат за нов претседател на Албанија
Актуелниот прв парламентарец и лидер на Движењето за социјалистичка интеграција, Илир Мета повеќе од сигурно е дека ќе биде новиот шеф на албанската држава.
По трите неуспешни кргови во Парламентот, во кои и немаше кандидат, на денешната седница на законодавниот дом, закажана за попладнево во 17 часот ќе се спроведе четвртиот круг.
Движењето за социјалистичка интеграција ги собра потребните потписи за кандидатурата на Мета, а синоќа одлука да ја подdржи неговата кандидатура донесе и Претседателството на Социјалистичката партија на актуелниот премиер Еди Рама.
Веста по седницата на партиското претседателство ја соопшти социјалистичкиот пратеник Таулант Бала, додавајќи дека одлуката е донесена едногласно.
Потврда за тоа дека во претседателката резиденција веќе го гледа Илир Мета, дојде доцна синоќа и од премиерот Еди Рама, кој гостувајќи во емисијатa „Топ Стори“ на телевизијата Топ чанел, рече дека Мета е потребниот избор за претседател.
- Мета е претседател кој со сигурност може да ја компензира големата празнина што ја имавме до сега. Тоа е еден претседател, поврзан со сите. Има почит од сите, зборува со сите и на сите има го кажува она што го мисли, рече Рама.
Албанскиот законодавен дом брои 140 пратеници. Според уставот се спроведуваат пет круга на гласање. Во првите три круга, предложениот кандидат, за да стане шеф на државата треба да добие поддршка од две третини од пратениците, односно 84 гласови. Во четвриот и петтиот круг потребно е просто мнозинство од пратениците, односно 71 глас.
Доколку биде избран, Мета ќе биде седмиот претседател на Албанија по падот на тоталитаризмот во земјата, кога за прв плурален претседател беше избран Рамиз Алија ,(кој беше и последен комунистички претседател). Потоа, него го замени Сали Бериша, по кого беше избран Реџеп Мејдани, па Алфред Моисиу, Бамир Топи и актуелниот Бујар Нишани.
Ново на Сител
-
Манолева: Договорени се алтернативнин решенија за хируршките сали
-
ЦУК: Нестабилност со пороен дожд и грмежи подолго време се задржува околу Кавадарци, Неготинио и Демир Капија
-
Димитровска: По верификација на мандатот именуваните и избраните лица треба да се откажат од сите претходни функции
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија