Регулација и уредување на Зрновска Река

Согласно општинската програма за регулација и уредување на Зрновска Река како и спречување од излевање на реката, општина Зрновци започна со изградбата на втората фаза за регулација и уредување на коритото на Зрновска Река, проект кој општината го реализира со финансиска поддршка од ИПА програмата.

- Со реализација  овој проект  Зрновска Река ќе се регулира  во должина од 463 местри со што ќе се придонесе во многу за заштитата на  објектите во близина на речното корито. Средствата за изградба на речното корито се обезбедени од ИПА грантот за развој на руралните средини и се во висина од 10 милиона и 700 илјади денари, изјави Блаже Станков, градоначалник на Зрновци при обиколката на теренот каде што се гради и регулира речното корито.

Речното корито на Зрновска Река се очекува да биде комплетно завршено за два месеца. Со реализација на овој проект ќе се подобри изгледот во центарот на  населеното место Зрновци.