Јилдирим оствари средба со Матис

Турскиот премиер Бинали Јилдирим денеска во Лондон се сретна со американскиот министер за одбрана Џејмс Матис. 

Средбата се случи во чувствителен момент за билатералите односи, неколку денови откако беше објавено дека претседателот на САД Доналд Трамп потпиша одлука за достава на тешко вооружување на сириската курдска организација Сили за заштита на народот, што Анкара ја смета за терористичка организација. 

Средбата зад затворени врати, се одржа во зградата Ланкастер хаус, што се наоѓа во близина на Бакингемската палата, и е во сопственост на британското Министерство за надворешни работи. 

Разговорот траел околу половина час, јави Анадолија, повикувајќи се на анонимни извори од кабинетот на премиерот.