Најмногу дожд во Штип, најмалку во Охрид
Најстудено утрово беше во Лазарополе, шест степени, а најмногу дожд последниве 24 часа наврна во Штип, вкупно 87 литри на метар квадратен.
Како што информира УХМР, до осум часот се измерени осум степени во Крушево и Маврово, девет во Пожаране, Тетово и Битола, 10 во Прилеп, Берово, Претор, Крива Паланка и Охрид, 11 во Дебар и Тополчани, 12 во Ѓуриште, 13 во Виница, 14 во Скопје, Штип, Демир Капија и Скопје Петровец, како и 15 во Куманово, Дојран, Струмица и Гевгелија.
Врнежите достигнаа еден литар на метар квадратен во Охрид, два во Ѓуриште, Лазарополе и Дебар, четири во Берово, Пожаране, Тетово и Маврово, пет во Куманово, шест во Тополчани, седум во Прилеп, осум во Гевгелија, девет во Демир Капија, 11 во Струмица, 16 во Крушево, 18 во Виница, 24 во Дојран, 32 во Крива Паланка и 38 во Скопје.
Времето денеска ќе биде променливо облачно и нестабилно, околу пладне и попладне на повеќе места со пороен дожд и грмежи, локално во форма на невреме со појава на град и засилен ветер. Teмпературата ќе достигне од 15 до 23 степени.
И во Скопската котлина нестабилно, попладне со повремен пороен дожд и грмежи.
До сабота подрачјето на Македонија ќе биде под влијание на серија влажни воздушни бранови, со променливо облачно и нестабилно време, поројни врнежи од дожд и грмежи. Утре ќе биде облачно преку целиот ден и се очекуваат пообилни врнежи од дожд, особено во јужните делови. Во петок и сабота ќе дува засилен северен ветер. Од утре температурата значително ќе опадне.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228