До сабота облачно и посвежо со повремен пороен дожд и грмежи
Од денеска до сабота претпладне, подрачјето на Македонија ќе биде под влијание на циклонска циркулација од Медитеранот. Ќе преовладува претежно облачно и свежо време со повремени врнежи од дожд, кои ќе бидат пообилни во попладневните и ноќните часови, како и утре претпладне, особено во западните и јужните делови, соопшти УХМР.
На места врнежите ќе бидат поројни проследени со ретки грмежи. Од овој влажен бран, на повеќе места се очекува да наврнат над 45 л/м2 воден талог. Утре кон крајот на денот интензитетот на врнежите ќе се намалува, така што в сабота врнежите ќе бидат слаби и локални.
Утре и во сабота ќе дува умерен до засилен северен ветер, повеќе ќе биде изразен во северните делови.
Од недела се очекува постепено стабилизирање и затоплување на времето.
Ново на Сител
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции
-
Австралиската полиција уби тинејџер поради напад кој укажува на тероризам
-
Одбележување на 5 Maj - Денот на македонскиот јазик
-
Православните верници го слават Велигден