Бритиш ервејз очекува реализација на сите летови од Хитроу

Британската авиокомпанија Бритиш ервејз соопшти дека очекува денеска да бидат реализирани сите летови од аеродромот Хитроу по проблемите во компјутерскиот систем поради кои 75.000 патници останаа блокирани во викендот.

Хитроу работи заедно со авиокомпанијата за да се достави багажот до патниците што е можно побрзо.

– Нашите компјутерски системи сега се во функција и ќе бидат извршени сите летови од Хитроу и Гетвик во вторник 30 мај, соопшти Бритиш Ервејз на веб сајтот.

Во саботата авиокомпанијата ги прекина сите летови од Хитроу и од Гетвик.