Објава на пораките од тајната служба за време на упадот во Капитолот
Конгресната комисија за истрага околу упадот во американскиот Капитол лани на 6 јануари, денеска се очекува да ги разгледа пораките од агенти на тајната служба испратени ден пред и на самиот ден на нападот, изјави синоќа конгресменката Зои Лофгрен за телевизијата Еј-Би-Си.
–Очекуваме да ги добиеме до вторник. Ни требаат сите пораки од 5-ти и 6-ти јануари, изјави Лофгрен, демократка од Калифорнија.
Нападот се случи кога илјадници приврзаници на тогашниот претседател Доналд Трамп упаднаа во Конгресот со намера да ја блокираат потврдата на победата на Џо Бајден на изборите во 2020 година, а повикани од Трамп и негови приврзаници.
Лофгрен рече дека на истражната комисија ѝ требаат пораките од тајната служба „за да се добие целосната слика” за она што се случило пред и за време на нападот на Капитол.
Тајната служба минатата недела соопшти дека некои податоци од телефоните биле изгубени при планирана замена и ресетирање на ајфоните, но дека сите барани пораки биле зачувани.
-Бев шокирана кога слушнав дека тие не направиле резервна копија од нивните податоци пред да ги ресетираат своите ајфони, рече Лофгрен.
Тајната служба минатата недела соопшти дека секоја „инсинуација” дека намерно бришела текстови е лажна и оти комисијата ја има нејзината „целосна и недвојбена соработка”.
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово