Од денеска задолжителен негативен ПЦР тест за влез во Србија
– Од денеска за влез во Србија задолжителен е негативен ПЦР тест, не постар од 24 часа, освен за транзитните патници, кои мора за 12 часа да излезат од Србија, јави дописникот на МИА од Белград.
По денешната седница на Кризниот штаб, епидемиологот Бранислав Тиодоровиќ изјави дека се усвоени предлозите да се дозволи работа на трговски центри до 20 часот, како и дека сите услужни дејности ќе работат до 20 часот во работните денови. Кафулињата и рестораните можат да работат до 20 часот, наместо досега до 17 часот, притоа почитувајќи ги постојните мерки, „без употреба на музика во каква било смисла“, додаде тој. Мерките треба да бидат усвоени од Владата на Србија.
Тиодоровиќ оцени дека денешната седница на Кризниот штаб била „сериозна и тешка“ и додаде дека новите мерки ќе важат до петок, кога ќе се направи нова проценка на епидемиолошката состојба. Тогаш, како што кажа, ќе се процени дали тие мерки ќе бидат продолжени, изменети или дополнети.
Коментирајќи ја работата на кафулињата и рестораните без музика, тој оцени дека се смета „ дека луѓето се релаксираат со музика, дека не ги почитуваат мерките и постои можност за полесно пренесување на вирусот“.
Културните институции ќе продолжат да работат до 21 часот, додаде Тиодоровиќ.
Ново на Сител
-
Нов обид да се избере претседател на Уставниот суд
-
Дали ќе се продолжи дневната евтина тарифа на струјата за уште еден час?
-
Храната станува луксуз, Mакедонија се повеќе е увозно зависна
-
Teма на денот со Татјана Димитровска, претседателка на ДКСК
-
Лидерите на Европскиот Фронт потпишаа декларација против „моноетничко владеење“
-
Гаши ја свика првата координација
-
Лидерите на Европскиот Фронт потпишаа декларација против „моноетничко владеење“
-
Деспотовски: Тој што ќе изгуби на изборите во СДСМ, да не прифаќа партиски функции