„Од нива до трпеза, од фарма до вилушка“ по повод Светскиот ден на храната
Агенцијата за храна и ветеринарство (АХВ) денеска, во трговскиот центар Сити Мол, организира промотивен настан „Од нива до трпеза, од фарма до вилушка“ - безбедна храна за македонските граѓани, по повод Светскиот ден на храната.
Настанот се реализира во соработка со детскиот хор „Златно славејче“ и Организацијата за заштита на потрошувачите (ОПМ), а на граѓаните ќе им понуди можност да се информираат за улогата и обврските на Агенцијата и да добијат информации како да внимаваат при изборот на храната и производите со цел консумирање здрава и безбедна храна.
Дечињата од „Златно славејче“, кои се дел од промоторите на активностите на Агенцијата, ќе делат едукативни флаери на потрошувачите и јаболка како синоним за здрава храна, а во рамки на ликовно катче, децата посетители ќе може да ја изразат својата креативност на тема здрава храна.
Сите цртежи ќе бидат дел од галеријата на АХВ и ќе се објават на веб страницата www.fva.gov.mk. Најдобрите три цртежи ќе бидат наградени со бесплатни билети за престојниот фестивал Златно Славејче во ноември.
На настанот ќе присуствуваат директорот на АХВ Зоран Поповски, претседателката на ОПМ Марјана Лончар и извршниот директор на фестивалот „Златно славејче“ Бобан Јосифовски.
Ново на Сител
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање