Одбележан Денот на независноста на БИХ
Со интонирање на химната и подигнување на државното знаме на сараевското брдо Хум денеска почна одбележувањето на 1 март, Ден на независноста на Босна и Херцеговина кој се празнува само во Федерацијата на БИХ. На нејзините граѓани Денот на незавизноста им го честиташе и американскиот амбасадор Мајкл Марфи, додека во Република Српска и натаму одбиваат да го прифатат тој датум за официјален празник.
Денот на независноста е востановен во 1995 година, со одлука на Парламентот на тогашната Република Босна и Херцеговина, како празник со кој се одбележува референдумот за независност, кој се одржа на 29 февруари и 1 март 1992 година и на кој 64 отсто од граѓаните гласаа за осамостојување од СФРЈ од чиј состав претходно излегоа Хрватска и Словенија.
Врз основа на резултатите од тој референдум, земјите-членки на Европската унија ја признаа Босна и Херцеговина како независна држава на 6 април 1992 година.
Ново на Сител
-
Спасен повреден странски турист во Охрид кој паднал во тешко пристапен терен
-
Главчев: Ќе ги потсетам европските лидери кои се условите за прием на Северна Македонија во ЕУ
-
Приведен бегалец од затвор
-
По вчерашното невреме: Се поплави „8ми Септември“ - Затворени операционите сали
-
Позната е новата цена на струјата
-
Одложено судењето за случајот со спортските ваучери на АМС
-
100 години „СКОПСКО“ – Секој има своја приказна со „СКОПСКО“
-
Левица со кривична пријава против Африм Гаши, поради неодземањето на мандатот на Талат Џафери