ОИ: 24 нови случаи на коронавирус, двајца хоспитализирани
Организаторите на Олимписките игри во Токио соопштија денеска за 24 нови позитивни случаи на коронавирус, што е најголем дневен пораст на заразени откако домаќините почнаа да објавуваат податоци на 1 јуни.
Меѓу 24-те нови случаи, тројца се спортисти, чии идентитет не е наведен.
Досега коронавирусот е потврден кај вкупно 20 натпреварувачи на Олимписките игри.
Две лица од странските делегации, кои присуствувале на церемонијата на отворањето на Игрите, на 23 јули, се хоспитализирани, но и двајцата се со полесна клиничка слика.
Вкупниот број на позитивни случаи на Ковид-19 од 1 јуни се искачи на вкупно 193, соопштија олимписките организатори.
Во јапонската престолнина последните денови, исто така, расте бројот на новозаразени. Здравствените власти соопштија дека во средата со вирусот се заразиле 3.177 лица, што е втор последователен рекорд на дневна основа.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април