ООН загрижена поради „фундаменталната промена“ на американската политика, вели Фолкер Тирк

Обединетите нации се сериозно загрижени поради „фундаменталната промена“ во насоката на американската политика, изјави Високиот комесар за човекови права Фолкер Тирк.

Без да го спомене директно американскиот претседател Доналд Трамп, Тирк истакна дека „на парадоксален начин, политиките кои имаат за цел заштита од дискриминација сега се квалификуваат како „дискриминаторски“.

„Напредокот во родовата еднаквост е запрен, а изјавите што поттикнуваат поделби создаваат страв“, предупреди тој во обраќање пред Советот за човекови права на ОН.

„Со децении, САД имаа двопартиска поддршка за човековите права. Сега сум длабоко загрижен за радикалната промена на курсот, како на национално, така и на меѓународно ниво“, додаде Тирк.