Орбан: Унгарците и Полјаците ќе ја штитат својата христијанска татковина

Унгарците и Полјаците делат заедничка борба за заштита на својата христијанска татковина, изјави унгарскиот премиер Виктор Орбан за време на откривање на споменик за жртвите од авионската несреќа крај Смоленск во 2010 година, во која загина полскиот претседател Лех Качински.

- Веруваме дека Полјаците и Унгарците делат заеднички пат, заедничка борба и заедничка цел: да ја изградиме и заштитиме татковината во вид во кој ни се допаѓа - христијанска и со национални вредности, рече Орбан.

Унгарскиот премиер, кој во недела ќе се појави на избори, повторно изјави дека Полска може да се потпре на Унгарија во несогласувањата со Брисел.