Отруени кучиња во Кавадарци

Отруени кучиња и расфрлан отров во храна за кучиња низ паркот во центарот на Кавадарци. Ова е жалната слика која позади себе ја оставиле несовесни кавадарчани.

- Ваквиот чин е за секаква осуда. Од една страна се трујат животните кои се дел од природата, а од друга, се доведуваат во опасност младите кои играат во паркот, изјави Елена Данова, асистент координатор на младинскиот центар „Креактив", кој е во близина.

Данова апелира институциите да ги пронајдат и казнат виновниците, а граѓаните да се воздржат од неконтролирана употреба на отров.