Пешак прегазен кај охридското село Требеништа
Едно лице го загуби животот во тешка сообраќајна незгода што се случи синоќа во 17:45 часот на магистралниот пат Охрид-Кичево, кај излезот од патот за селото Требеништа. Како последица на повредите здобиени во несреќата, во возилото на службата за Итна медицинска помош на пат кон болница починал Јонче Ј. (64) од селото Требеништа.
Сообраќајната незгода се случила во момент кога сега починатиот го преминувал коловозот на магистралниот пат од левата кон десната страна, при што бил удрен од патничко моторно возило марка „Рено Лагуна“ со охридски регистарски ознаки управувано од М.Ш.(42) од Охрид. Ударот се случил на десната коловозна лента со предниот лев дел од патничкото возило што се движело од Кичево кон Охрид.
За време на увидот на местото на настанот извршен од полициски екипи и вешто лице, сообраќајот на магистралниот пат се одвивал по една коловозна лента со наизменично пропуштање на моторните возила.
По наредба на јавен обвинител, подигнати се траги за ДНК анализа, во СВР-Охрид земени се брисеви од усна шуплина од возачот и сопатникот во возилото „Рено Лагуна“ а во брза помош Охрид земена им е крв и урина за анализа. Врз телото на сега починатиот, денеска ќе се изврши обдукција, а врз патничкото моторно возило дополнително вештачење.
Ново на Сител
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија
-
Едно лице загина, осуммина се повредени при уривање на зграда во Истанбул
-
Приведен дилер од Свети Николе
-
62-годишник во Кочани се самозадоволувал пред малолетничка
-
Тешко повреден затвореник во Идризово по тепачка измеѓу две групи
-
Исчезна 33 годишна скопјанка