Балкан
3. August 2020 - 17:08

Пет случаи на заразени со коронавирус во грчкиот ватерполо тим

Ватерполо федерацијата на Грција соопшти дека петмина членови на националниот тим биле заразени со коронавирус.

Затоа, до понатамошно известување, сите активности на машката и женската селекција беа откажани.

Како што се наведува, сите заразени се во самоизолација, додека другите играчи утре повторно ќе бидат тестирани.

Грција требаше да биде еден од учесниците во ХЕП-купот во Хрватска на крајот на август, а покрај домаќините, на тој турнир ќе учествуваат и Црна Гора и Италија.