Петков: Ако двете комисии се согласни ќе биде убаво да се вратам со копија од нов учебник, а не само да зборуваме и ветуваме

Јас се радувам што историската комисија е една од пет и не е единствена. Ќе направиме таа да работи почесто и да биде пофункционална со дијалог, рече во Тема на денот на Сител премиерот на Бугарија Кирил Петков.

Запрашан дали има потреба од промена на членови во комисијата премиерот Петков одговори прво да се почека да се види до каде се стигнати, да се видат деталите. 

-Првата задача им е да посочат за што се согласуваат а за што не, до тој момент. Да го земеме тоа за што се согласни и да го направиме реално. Ако двете страни се согласни за одредена тема, на пример за учебникот за седмо одделение, тоа за што се сложни да биде применето. Ќе биде убаво јас како премиер да се вратам со копија од нов учебник, а не само да зборуваме и да си ветуваме. Во основа на историската и образовна група, согласноста што ја постигнавме до тој момент, веќе е реалност, рече Петков.