Петков: По ниеден начин не ги доведуваме во прашање идентитетот и јазикот на Република Северна Македонија
Многу ме разочара што додека студирав на Харвард и додека зборувавме за Латинска Америка, мојот професор додека зборуваше рече дека и во тој дел од светот се забележува балканизација. Кога го запрашав што значи балканизација, ми одговори дека тоа е веќе економски термин кој означува некоординираност. Јас умрев од срам. Да го користат нашиот регион како пример и термин за некоординација, откри за Сител премиерот на Бугарија Кирил Петков.
-Кога сум патувал низ Балканот, а сум патувал многу, тоа што ми оставило впечаток е дека инфраструктурата горе-доле ни е на едно ниво, економиите ни се горе доле на исто ниво. Музиката ни е еднаква. Секој на Балканот за себе говори не само конструктивно и позитивно туку и ги прекорува другите. Како е можно да имаме толку заеднички нешта а толку лоши мисли да се зборуваат, рече Петков.
Запрашан кој е неговиот став за македонскиот јазик и народ Петков одговори дека Бугарија е првата држава која ја призна Северна Македонија како самостојна држава и тој се гордее со тоа.
-Кога си самостојна држава ние по ниеден начин не го доведуваме во прашање идентитетот, јазикот во Република Северна Македонија. Тоа е ваше идентитетско право. Никој тоа не го оспорува. Постојат две прашања. Прво, зошто за толку години не сме направиле поблиски врски. И тоа не на политичка основа. Треба да изградиме вистински взаемни врски кои нема да зависат од тоа кој седи тука. Да не зависи кој е премиер во Македонија или Бугарија. Тие врски треба да се трајни. Ако двата народи мислат дека имаме најдобри односи, ниеден политичар нема да се осмели да направи нешто друго. Второ, не треба да мислиме тесноградо. Дел од проблемите треба да ги адресираме на едно европско ниво. Ако поставиме едни јасни правила, како на пример дека говор на омраза не е дозволен. Секој обид треба да се пресече. Не може да се користи говор на омраза за сосед со кој сакаме да имаме добрососедски односи, вели Петков.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово