Пјонгјанг: САД да ја признаат Северна Кореја како нуклеарна сила

Северна Кореја денеска ги повика САД да ја признаат како легитимна држава со нуклеарно оружје, откако пред два дена изврши петта и најголема нуклеарна проба.

- Претседателот Барак Обама прави се да го негира стратешкиот статус на Демократската народна република Кореја како држава со нуклеарно оружје, но тоа е лудо исто како што и обидот со рака да се сокрие сонцето, изјави портпаролот на севернокорејското министерство за надворешни работи.

Во соопштението се наведува дека нуклеарната проба во петокот претставува неопходен одговор на нуклеарната закана на САД.

Северна Кореја ќе работи на зголемување на својата нуклеарна моќ како по квалитет, така и по квантитет, се наведува во соппштението.