По преземањето од „Луфтханза“, 5.000 од вкупно 8.000 вработени во „Ер Берлин“ ќе останат без работа

Договорот со кој најголемиот германски авиопревозник „Луфтханза“ ќе го преземе својот главен конкурент „Ер Берлин“ ќе значи оставање без работа на 5.000 од вкупно 8.000 вработени во оваа компанија.

„Луфтханза“ вчера ја претстави својата понуда, со која за 210 милиони евра ќе откупи 81 од вкупно 140-те авиони на „Ер Берлин“ и ќе задржи 3.000 вработени.

„Ер Берлин“ подолго време работеше со загуби, а пропадна откако неговиот стратешки партнер, „Етихад Ервејз“ од Дубаи, најави дека ќе ја запре својата финансиска помош за компанијата. која должи безмалку 1,2 милијарди евра.

Синдикални претставници на „Ер Берлин“ најавија дека ќе ја тужат компанијата поради непочитување на колективните договори, но од раковоството на авиопревозникот соопшти дека се сигурно оти 80 проценти од работниците бргу ќе најдат нова работа.

Вкупната инвестиција на „Луфтханза“ во „Ер Берлин“ може да достигне 1,5 милијарди евра.