Почна санацијата на главната улица во штипската населба „Железничка“

Почна санацијата на главната улица во штипската населба „Железничка“, по која што се движат жителите, но и работници во фирмите, што се наоѓаат во овој дел на градот. 

Улицата беше во многу лоша состојба, а околу 40 години не е реконструирана, забележа градоначалникот на Штип Благој Бочварски.

– Денеска вршиме асфалтирање на 5.000 метри квадратни нов асфалтен слој на пристапната улица во долна Железничка, ова беше и барање на граѓаните од оваа населба, но и барање на компаниите. Инвестицијата на оваа улица е околу 2,1 милион денари, вели Бочварски.

Очекува компаниите во овој дел од градот да дадат свој придонес во овој проект и да влезат заедно партнерски со Општина Штип во негова реализација. 

Во Штип исто така во тек е и садење на цвеќиња и садници на кружните текови, кои се наоѓаат на влезот на градот Штип.