Поделени картички за зелена нафта во неколку каменички села
Претставници на Министерството за земјоделство Шумарство и водостопанство – Подрачна единица Делчево денес ги посетија земјоделците од Македонска Каменица, кои се на листата на чекање за добивање картички за зелена нафта. Како дел од посетата како што информираа од подрачната единица на МЗШВ Делчево која го покрива и реонот на М.Каменица, последните картички за зелена нафта беа доделени на земјоделците од селата Цера, Косевица, Саса и други села.
– Ги поделивме и последните картички за ,,Зелена нафта” на лица кои не се во можност да ја посетат подрачната единица во Делчево. Со оваа мерка земјоделците добиваат 30 проценти поевтина нафта која мерка за прв пат се донесе оваа година. Благодарност до АПРЗ стручна канцеларија Македонска Каменица за нивната помош, истакнаа од МЗШВ Делчево.
Во Пијанечкиот крај, во општините Македонска Каменица и Делчево со ваквиот вид на субвенционирање беа опфатени околу 1.200 земјоделци. Земјоделците од каменичкиот и делчевскиот регион, заедно имаат на располагање 2,4 милиони денари за оваа намена, што според претставниците на МЗШВ ќе значи поекономично производство и намалување на трошоците на земјоделците.
Претходно последните картички за зелена нафта беа распределни и на земјоделците од општините Пехчево и Берово.
Ново на Сител
-
Сиљановска Давкова: Ќе го почитувам Преспанскиот договор, но го задржувам правото на слобода на изразување
-
Кацарска ќе даде осврт за претседателскиот мандат во Уставен, до крајот на месецов ќе се знае нејзиниот наследник
-
Африм Гаши избран за претседател на Собранието
-
Терзиќ: Во еден натпревар можеме да го победиме Реал
-
Собранието ги верификува мандатите на 118 пратеници
-
Автомобил удрил во велосипедист во Скопје и избегал од местото на несреќата
-
Намален бројот на дипломирани студенти минатата година во однос на 2022 година
-
АХВ: На македонскиот пазар не е пласиран сендвич со шунка контаминиран со листерија