Полицијата уапси 6 лица кои поседувале марихуана

На 20.07.2021 во ОВР Кичево, приведен е С.М.(21) од Кичево, бидејќи при преглед извршен во 23.50 часот на ул.„Маршал Тито“ во Кичево, кај него биле пронајдени и одземени три кеси со марихуана. Против него ќе биде поднесена соодветна пријава.

 Вчера на локацијата „Маркови кули“ во Прилеп, полициски службеници од ОВР Прилеп ги лишиле од слобода Л.С.(24), Е.Е.(26), М.В.(21), А.Е(37) и М.А.(25), сите од Прилеп, затоа што при преглед кај нив била пронајдена марихуана. По целосно документирање на случајот ќе биде поднесена соодветна пријава.