Полицијата во Канада уапси 80 луѓе во акција против детска порнографија

Полицијата во Онтарио соопшти дека уапсиле 80 луѓе во рамки на масовна истрага за детска порнографија на интернет, јавуваат локални медиуми.

Против нив се подигнати обвиненија за сексуални напади, поседување, производство и дистрибуција на детска порнографија.

Полицијата соопшти дека досега се идентификувани 20 жртви на порнографија. Канадската полиција во таа акција соработувала со американското Министерство за внатрешни работи.