Премиер лига: Сандерленд остана непоразен на Енфилд

Фудбалерите на Сандерленд освоија бод на гостувањето на „Енфилд“ кај Ливерпул откако по водството на домаќинот од 2:0 стигнаа до изедначивање од 2:2 за само шест минути. Сите четири голови беа постигнати во вториот дел. Најпрвин Роберти Фиримино донесе водство на Ливерпул во 59.минута. На 2:0 зголеми Адам Лалана во 70.минута. Првиот гол за гостите од слободен удар го постигна Адам Џонсон во 82.минута, а на 2:2 изедначи Џермејн Дефо во 88.минута.

 

Како и што најавија дел од навивачите на Ливерпул незадоволни од цената на влезниците за следната сезсона во 77.минута ги напуштија трибините.

 

Резултати 25.коло:  Манчестер Сити – Лестер 1:3, Астон Вила – Норвич 2:0, Ливерпул – Сандерленд 2:2, Њукасл – ВБА 1:0, Стоук – Евертон 0:3, Свонси – Кристал Палас 1:1, Тотенхем – Вотфорд 1:0.

Од 18:30 часот играат Саутемптон – Вест Хем.

Утре на програмата се дуелите: Бурнемут – Арсенал и Челзи – Манчестер Јунајтед.

 

Табела: Лестер 53 бодови, Тотенхем 48, Манчестер Сити 47, Арсенал 45, Манчестер Јунајтед 40, Вест Хем 39, Евертон 35, Ливерпул 35,...