Премиера на драмата „Марија Калас – час“ на Мала сцена во МОБ
На Малата сцена во Македонската опера и балет вечер премиерно ќе биде изведена драмата „Марија Калас – час“, напишана од американскиот писател Теренс Мекнели во 1995 година. Режијата и преводот се на Урсула Хорнер, изборот на костими на Марија Пупучевска.
Приказната е за оперската дива Марија Калас, која држи час по пеење на реномираниот универзитет „Џулијард Скул“ во Њујорк. На часот таа се сеќава на сопствениот живот и се однесува сосема непредвидливо. Се будат нејзините инспирации, стравот да не биде „грдото пајче“, омразата кон нејзините конкурентки, притисокот од првите претстави, триумфот во „Ла Скала“, како и нејзината афера со Аристотел Оназис, а кулминира со монологот за нејзиното саможртвување во име на уметноста.
- Драмата обработува фиктивен мастерклас на познатата оперска пејачка Марија Калас, пред крајот на нејзиниот живот. Во претставата е користена музика на Џузепе Верди, Џакомо Пучини и Винченцо Белини. Првпат е изведена на Бродвеј во 1995 со ѕвездите Зое Колдвел и Одра Мекдоналд. Во 1996 година претставата била наградена со „Драма Деск Авард“ за најдобра нова драма и „Тони Авард“ за најдобра изведба, соопшти МОБ.
Ново на Сител
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото