Претпладне сончево, попладне наместа дожд и грмежи

– Времето денеска ќе биде претпладне сончево, а попладне ќе има локален развој на нестабилна облачност проследена со пороен дожд и грмежи.Ќе дува умерен до засилен северен ветер.  

Минималната температура ќе биде во интервал од 11 до 20, а максималната ќе достигне од 30 до 38 степени. УВ ќе биде 8. Во Скопје, сончево со мала до умерена облачност и засилен северен ветер. Минималната температура ќе се спушти до 18, а максималната ќе достигне 34 степени.

Од понеделник, синоптичарите најавуваат стабилно време. Температурата до вторник ќе биде во благо опаѓање, а од четврток ќе бележи позначителен пораст.