Претседателски избори во Боливија
Граѓаните на Боливија денеска ќе се изјаснат за еден од деветте кандидат за шеф на државата. Но, и покрај големиот број претседателски кандидати, според анкетите фаворит е актуелниот претседател Ево Моралес, а потоа следи поранешниот претседател на Боливија Карлос Меса.
Според истражувањата на јавното мислење Моралес има поддршка од 40 отсто од граѓаните, додека Меса 22 проценти. Според резултатите од анкетите Моралес најверојатно нема да победи во првиот круг од претседателските избори.
Моралес е единствениот јужноамерикански лидер останат од времето на така наречената „розова плима“ – доминација на левицата на континентот во првата деценија од 21 век. Тогаш Чиле и Колумбија беа единствени јужноамерикански земји каде на власт беше десницата, додека денес левицата е на власт уште во Боливија, Венецуела, Еквадор и Уругвај.
Моралес се бори за четвртиот претседателски мандат. За време на неговите три мандати Боливија забележа силен економски напредок, пораст на платите и намалување на стапката на сиромаштијата.
Тој е припадник на автохтониот народ Ајмара, а на власт дојде во 2005 година откако вети дека се ќе национализира. Но, неговата партија Движење кон социјализмот (МАС) се покажа многу попрагматична отколку што сугерираше реториката.
Главен противкандидат на Моралес е Карлос Меса поранешниот новинар, кој беше претседател на Боливија од октомври 2003 до март 2005 година.
Тој е кандидат на коалицијата Граѓанска заедница и според анкетите заостанува зад Моралес со 10 проценти. Меса го обвинува Моралес за авторитарни склоности и за пораст на корупцијата.
Ново на Сител
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.