Продолжено гласањето на три избирачки места во Струмица, Ново Село и Радовиш
Гласањето на локалните избори во шесте општини во Струмичко-Радовишкиот регион заврши, освен на три избирачки места во Струмица, Ново Село и Радовиш.
Според потпретседателот на ОИК Струмица, Томислав Андреев продолжено е гласањето на едно избирачако место во село Сачево и ќе трае до 20:35 часот заради технички проблем со читачот за отпечаток на прст.
И во Радовиш од истата причина е продолжено гласањето на едно избирачко место во градот и според претседателката на ОИК, Вера Димитриева, тоа ќе трае до 20:36 часот.
Во Ново Село изборниот процес продолжува на гласачко место во селото Мокриево и спред информациите од ОИК ќе трае до 21:50 часот, бидејќи толку време било прекинато гласањето заради технички проблем со читачот за отпечаток на прст.
Гласањето за локалните избори заврши во општините Конче, Босилово и Василево и таму во 19 часот се затворени сите избирачки места.
Право на глас во овие шест општини во Струмичко и Радовишко имаа 110.428 граѓани на 214 избирачки места. Тие избираа градоначалници од 16 кандидати и советници од 33 советнички листи.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња