Протест на здравствените работници - Стоп на насилството или нема работа
Голем број здравствени работници од скопските клиники за време на паузата излегоа на предупредувачки протест- Стоп врз насилството на здравствените работници.
Протестот беше во организација на Асоцијацијата на специјализнти и млади лекари, за поводот беа неколкуте напади минатата недела врз медицински лица.
Од надлежните побараа полициско обезбедување на повеќе клучни здравствени устснови, унапредување на односот лекар - пациент и побрзо донесување на Законот за докторска дејност.
Доколку не наидат на разбирање и брзо надминување на овие состојби, најавија дека следниот протест нема да биде предупредувачки туку ќе трае, а здравствените раборници нема да бидат на работните места.
Иако барањата се до Министерството за здравство, на протестот во бел мантил дојде и министерот Венко Филипче.
Вели дека овие состојби со насилство врз здравствените раборници не смеат да се толерираат.
Филипче најави професионално обезбедување и полициско патролирање кај некои здравствени установи.
-
Сања Димитровска
Сите содржини од овој новинар