Протест со барање одговорност за „Јавна соба“
Стоп за родово базирано насилство, итно расчистување на случајот „Јавна соба“ и затвор за насилниците, бараат активистите за правата на жените. Под слоганот „Непостапувањето е соучество“, демонстраните на полицијата и јавните обвинители им порачаа да се разбудат и да почнат да си ги заработуваат платите. Активистите реагираат и дека надлежните не доволно ги штитат лицата кои се жртви на родово насилство.
Активистите упатија порака и до жртвите. Велешанка која тврди дека била силувана, ги охрабри жените да не молчат и да го пријават насилникот во полиција.
Петтиот по ред 8-мо мартовски марш започна пред Министерството за внатрешни работи, а заврши во Жена парк. Под засилено полициско обезбедување, маршираа неколку стотини мажи и жени. Во фокусот на движењето беше неодамнешниот случај „Јавна соба“ кој ја вознемири јавноста, а за која се уште нема институционална разрешница. Заглавен во лавирините на правосудниот систем е и ланската Јавна соба.
-
Елена Милошевска
Сите содржини од овој новинар