Протести во Либан поради економската криза

Во Либан се одржаа протести поради влошувањето на ситуацијата во земјата која се бори со економска и финансиска криза.

Демонстрантите во Бејрут на неколку главни улици запалија гуми, што го парализираше главниот град.

„Доле капитализам„, Одете си“, викаа неколку стотици демонстранти додека маршираа по улица покрај зградата на Парламентот каде беа зајакнати безбедносните мерки.

Демонстрантите блокираа автопати и во други делови на Либан. Либанскиот Парламент во јули воведе строги мерки за штедење за 2019 година за да се намали јавниот долг.