Прва МФЛ: Силекс го завери 4. место, Скопје ќе игра бараж за опстанок

Најпријатното изненадување во сезоната екипата на Силекс одигра уште еден добар натпревар во Кратово и со победа од 2-0 против Работнички го обезбеди четвртото место на прволигашката табела.

Домашните од самиот почеток најавија игра на победа и со голот на Марко Ѓорѓиевски по лошата реакција на гостинската одбрана обезбедија водство.

По  само 15 –тина минути  Манасиевски го зголеми водството на 2-0 што се покажа и како доволно за освојување на трите бода.

Во вториот дел  Силекс со рутинирана игра чекаше шанса за посигурна победа додека Работнички не најде начин како да се врати во игра.