Прва победа сезонава на Џек Милнер

Австралиецот, Џек Милнер  е победник на 17-тата трка во Мото ГП шампионатот што се возеше за Големата награда на Јапонија.

 

Членот на Дукати иако започна од седмата стартна позиција успеа да се пробие до лидерската позиција и прв да ја мине целната рамнина и да ја оствари својата прва победа сезонава. 

 

Место на пиедесталот изборија Бред Биндер и Хорхе Мартин, додека Марк Маркез кој започна од пол-позицијата заврши како четврто пласиран. 

 

Водечкиот тандем во Генералниот поредок, Фабиот Квартараро и Франческо Бањаја имаа лош настап. Французинот го освои осмото место, додека Италијанецот излета во последниот круг и остана без бодови. 

 

Така сега Квартараро ја зголеми предноста на 18 бодови повеќе во однос на Бањаја. 

 

До крајот на сезоната остануваат уште четири трки, а следната ќе се вози во Тајланд веќе следната недела.