Прва пол-позиција за Карлос Сајнц во кариерата

Карлопс Саинц ќе стартува од пол-позицијата на утрешната трка во Формула 1 шампионатот што ќе се вози за Големата награда на Велика Британија. 

 

Возачот на Ферари оствари најбрзо време во денешните квалификации на патеката Силверстон и стигна до својата прва пол-позиција во кариерата.

 

Зад него трката ќе ја почне актуелниот светски првак Макс Верстапен од Ред Бул.

 

И во вториот стартен ред ќе бидат болидите на Ферари и Ред Бул и тоа Леклер пред Перез, додека во третиот ред трката ќе ја стартуваат Британците, Хамилтон и Норис од Мерцедес и Мекларен

 

Во пресрет на утрешната 10-та трка сезонава лидер во генералниот поредок е Верстапен со 175 бодови,  неговиот тимски колега Перез има 129, додека Леклер е трет со два бода помалку од Мексиканецот.