Разбеснет маж демолираше градски автобус во Сплит

Неверојатен инцидент се случи во Сплит кога еден маж застана пред градскиот автобус и без никаква причина почна да го крши автобусот во кој се наоѓаа патници.

Откако целосно го искрши ветробранското стакло, тој продолжи да ги крши другите стакла на автобусот. Возачот запре, ја заклучи вратата, ја повика полицијата и снимаше сè што се случува, а луѓето од страв се повлекоа во задниот дел од автобусот и чекаа да дојде полицијата.

Не е јасно која е причината за ваквото дивјачко демолирање на сплитскиот градски автобус.