Реакција на МТСП во врска со изградбата на дом за стари лица во Гази Баба
Министерството за труд и социјална политика ги демантира тврдењата на ВМРО-ДПМНЕ дека е блокиран проектот за изградба на дом за стари лица во општина Гази Баба.
Жаклина Пешевска од ВМРО-ДПМНЕ денеска на прес-конференција рече дека Владата на СДСМ со новиот ребаланс ги укинува предвидените пари за изградба на пензионерски домови и домови за стари лица со што, како што рече, удира врз интересите на старите лица и пензионерите.
МТСП во реакцијата наведува дека со ребалансот на буџетот се скратени средства за почеток на изградба на домот од причина што проектот не може ни да почне поради нерешени имотно-правни односи, односно затоа што за еден објект се одвива постапка за експропријација преку Државното правобранителство.
- На барање на Државното правобранителство, Министерството за труд и социјална политика се обрати до Општина Гази Баба за да се обезбедат потребните информации за објектот за завршување на постапката за експропријација и со тоа да се овозможи конкретната реализација на овој проект. Финансиските средстава за домот за стари лица во Гази Баба ќе бидат издвоени тогаш кога ќе има реална можност да се започне со изградба, спротивно на досегашната практика на креирање лажни буџети, соопшти Министерството за труд и социјална политика.
Според МТСП, неосновани се обвинувањата дека Владата не води грижа за пензионерите и постарите лица. Министерството посочува дека вчера на седница на Советот за социјална сигурност се усвоени низа проекти за унапредување на социјалната сигурност и стандардот на пензионерите. - Тоа е само почеток на мерките и реформите кои ќе ги спроведеме во наредниот период, наведува МТСП во реакцијата
Ново на Сител
-
Новороденче почина на Детската клиника, било донесено од Струмица со сепса добиена при породување
-
Поранешниот министер Никола Димитров објави дека бил нападнат со агресија и закани од човек кој не го познава
-
Грчките власти им забраниле на албанските новинари влез во земјата за да присуствуваат на средбата на Рама во Солун
-
Прв премиерлигашки пораз сезонава за Манчестер Сити, Ливерпул нов лидер
-
Маж со автомобил ја удрил поранешната девојка во Ѓорче Петров
-
Уапсен 54 годишен маж - Ја турнал на земја за да и ја земе чантата
-
Истрага за примање поткуп од градежна инспекторка во Куманово, судот определи триесетдневен притвор
-
Македонската кикбокс сениорска репрезентација замина на ВАКО Европското кикбокс првенство во Атина