Реновирана детската градинка во Миравци
Во гевгелиското населено место Миравци, денеска беше пуштен во употреба реновираниот дел од детската градинка кој со финансиска помош од Одделението за меѓународен развој на Обединетото Кралство го реализираа УНХЦР и Данскиот совет за бегалци во рамки на проектот за подршка на локалните заедници кои им подадоа рака на бегалците во текот на последните неколку години.
Претставникот на УНХЦР, Саша Валаџија истакна дека им било задоволство да направат нешто за локалната заедница која до сега толку многу направила за да им помогне на лицата кои бегаат од војната во Сирија, Авганистан, Ирак и од други земји каде не се чувствуваат безбедни.
- Со овој гест се потврдува дека хуманоста се враќа со хуманост или како што вели една поговорка што ја научив од колегите тука, а мене особено ми се допаѓа-раката што дава не се суши, нагласи Валаџија и им посака на локалните жители постојано да имаат и да даваат.
Реновираниот дел од градинката во Миравци е првиот од десетте проекти што се пушти во употреба. Вториот проект што беше претставен денеска е новото спортско игралиште во училиштето во гевгелиското село Богородица, а третиот завршен проект е заштитната ограда на училиштето во кое учат деца од Лојане и Ваксинце. Трите проекти заедно чинат 1,5 милиони денари.
Ново на Сител
-
САД: Можни се терористички напади врз претставници на ЛГБТ заедницата ширум светот
-
Зеленски: Русија нема сила повторно да го нападне Киев
-
Сончево и топло, попладне локално дожд и грмежи
-
Состојба на патишта
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт